History of UZO

UZO KHANGTHU

UZO 1962-66
Kum 1963-66 sung teng, UZO kituplou in naum hileh akilawm hi. Pu S.K. Samte in Chiimtui a inn ah mi bangza ahei khawm in tuanah Pu M. Suohdou President, Pu P. Tongneng General Secretary in na guong uhi. Member dang tahlatna dang a um sih hi.

UZO-1967
Pu M. Suohdou, leh Pu P. Tongneng ban ah UZO Executive member in tam a nuoiate na pang uhi.

Pu P. Lunkap, President
Pu M. Saipu, Vice President
Pu S.K. Samte, General Secretary
Pu S. Lianzakap, Joint Secretary
Pu M. Siahzathang, Finance Secretary
Pu Chinzagin, Tresurer

UZO-1968

2nd September 1968 dungzui in Executive Committee in a nuoia bang in member hen leh belapna a bawl hi.

Pu P. Lunkap, President
Pu M. Saipu, Vice President
Pu S.K. Samte, General Secretary
Pu S. Lianzakap, Joint Secretary
Pu P. Tongneng, Finance Secretary
Pu Chinzagin, Tresurer
Pu T. Gouzadong, Auditor
Pu Thangkhanlal, ,,
Pu Liankhohau ,,
Pu T. Gougin Adviser
Pu T. Thongzakhup

UZO-1969
UZO General Assembly Tuining 18/2/69 Resolution No. 3 na bang in office bearerte siemphatna a nuoia bang a bawl ahi:

Pu P. Lunkap, President
Pu Thangkhanlal, Chief Secretary
Pu S. Lianzakap, Joint Secretary
Pu David K. Samte, Finance Secretary
Pu T. Dongkam, Tresurer
Pu T. Semkholun, Auditor
Pu Liankhohau, ,,
Pu T.C. Tungnung ,,

Assembly in Vice President diing na guongta hi. Pu Lunkap, President leh Pu Thangkhanlal Chief Secretary ahilai un Mizoram buoi toh kituoh in ei gam lam ah zong Galkap hing tam mama in mipi leh lamkaite in gim-le-tawl, hastana tampi a tuoh uhi.

UZO GENERAL ASSEMBLY-CUM-ELECTION-1970 at SINGNGAT
Assembly-Cum-Election date 28-30 January, 1970 a nei diing ahitah jieh in date 25/10/1969 ni in Executive Committee in tuami ni chieng a Election sai diing in a nuoia teng a guong hi.

Tuate:-
Pu Sub.T.Ginkhozam, ElectionCommisioner
Pu P. Kaizakham, Returning Officer
Pu S. Lianzakap, Presiding Officer
Pu T.C. Tungnung, Polling Officer
Pu T. Thawngzakhup, Polling Officer.

Amaute saina in Assemmbly ah kiteelna a um a, anuoiate UZO Exectutive Committee member diing a teelching ahita uhi:

Pu Thangkhanlal, President
Pu T. Semkholun, Chief Secretary
Pu Thangchinsuan, Finance Secretary
Pu T. Gouzadong, Treasurer
Pu P. Lunkap, Chairman, Culture
Pu S. Thangkhenkhup, Secy. Culture
Pu M. Saipu, Member
Pu Huotkhai, Member
Pu T. Ginkhozam, Member
Pu T.C. Tungnung Member
Pu T. Gougin, Adviser
Pu S.K. Samte Adviser

Tamteng ban ah Block chin President leh Secretary teng Executive Member ahi uhi.

President In Charge
President teeltha leh President lui Pu P. Lunkap mawpuohna piehna dated 11/02/1970 in na nei in tamnah mawpuohna kipiehkhietna leh kisanna Suoi a kai tuoh uhi.

Singngat Assembly in Vice President na teel khalou ahiman in 1972 in Pu T. Gouzadong Vice President in Executive Committee in guong hi. Tualeh ama mun (Treasurer) ah Pu Tuanpu guon in na um a, Volunteer Commander in Pu T. Tongchinneng guon a hi.

UZO sepsuo poimaw dieh khenkhat
• August 31, 1969 in Autonomous District Council Demand Committee (DADC) min in Pu Thangkhanlal, General Secreatry, UZO, Pu N. Gouzagin, President, Paite National Coucil (PNC) leh Pu Somkholal, President, Vaiphei National Organization (VNO) Delhi ah Union Home Minister, Y.B. Chavan leh Pi Indira Gandhi vakimupi ih Memorandum zong vapie uhi. Singtangmite’n atuom a ki-uhna kiphamaw i hi uh chi na phawh in tam bang in pan nala ua, lawching in District Council Election zong nei thei in ang umpaita hi. Tam pen UZO in gam leh nam adia pan alahnate lah a poimaw leh chiemteetah khat ahi hi.

• I minam in Hall kipoimaw ahi chi’n Executive Committee Resolution No.1 Dated 4-4-1970 na bang in Cultural Hall khat lam diing lemssah ahia, Cultural Department, UZO sai diing a guot ahi.

Presidential Tour
UZO Executive Committee Resolution No. 2 dated 5-12-1970 na bang in Pu Thangkhanlal in Kailam biel/Block tuon a zinkuol diing in guot ahia, a kivenna adiing chi’n Dangka Rs. 100/- zong Committee in guon hi.

Pu Thangkhanlal khu Pu Thangchinsuan, Finance Secretary in zui in dated 8-12-1970 in Lamka nuasie in Tuila khopi tung uhi. Tuila ah Pu Tunzakap in Voh khat na tha hi. Tuila pan in Singmun ah gihlut in, Singmun pan in Aina khopi tung uhi. Aina Hausa leh khomite’n Voh khat na tha uhi. Aina pan in Lungsai tung in tamnah zong khomipite kipahtaseng in Voh khat leh Bawng khat na tha uhi. Tuachi’n Lungsai pan in mailam nawt zel in Milongmun a tun un tuanah zong Voh khat na tha kia leuleu uhi. Milongmun nuasie in Saite a tung ua, tamnah Khristmas a mang uhi. Saite khuo nuasie in Thanlon a tung ua, tamnah Pu Daikam in Voh khat na tha hi. Thanlon leh Mongken kikaal ah Pu Lohkhokam in gamkuon diing lai tawp in Voh khat tha a, ann neehzou in Mongken zuon in pei ua, miel in a tung uhi. A zing ni in Mongken pan in Singngat a tung uhi. Singngat nuasie in date 1-1-1971 kumtha ni in Lamka a tung uhi.

Delimitation toh kisai
Manipur in Statehood ang ngahtah jieh in MLA 60 umna Assembly nei diing ahita hi.Tam MLA 60te Biel Gamgi(Constiteuncy Delimitation) khenna leh Polling Station diing guonggalna um diing toh kisai in UZO in nasapi in pan na la hi. Pu Thangkhanlal, President, UZO leh Pu Thangchinsuan, Finance Secretary in Constituency Delimitation leh Polling Station diing suun leh zaan in UZO Office ah buoipi ua, Dated 6-10-1971 zankim tan in zousieng uhi. A zing ni in Imphal ah N. Tombi Singh, M.P. kung ah a sil bawl uh Map toh kithuo in copy vapie uhi.

Tuazou in Delimitation sai diing a Delhi apat a hing kuon Pu Sharma a umna Circuit House ah vakimupi in ama zong copy vapie uhi. Pu Sharma kung ah Pu Thangkhanlal in “Kei buoipi thupipen khu Singngat ahihi” a chileh, Pu Sharma in zong, “Hapta khat taam ka hita a, tunitan in Public lamkai (leader) ang panpi a um sih hi. Tambang na hing pieh uh ka kipah mama hi. Ka bawl theitan in kang panpi diing hi” a chi hi. Pu Sharma in a silbawl diing toh kisai pansan diing bangmapi a neinaisia, a baang ah Manipur Physical Map khat kikhai khu ahimai hi.

UZO Excutive Committee- 6-12-1971
Date 6-12-1971 in Pu Gouzadong inn, Lamka ah UZO Executive Committee a um a, hun patna in Pu Zamvum, President, Khuga Western Block in thumna a nei hi. Tam Committee a pang memberte:

Pu Thangkhanlal, President
Pu T. Semkholun Chief Secretary
Pu. S.K. Samte, Adviser
Pu Zamkholam, Volunteer Commander
Pu S.Kamzadal, President, S/Block
Pu Dongkhothong, President, T/Block
Pu Chinkhothang, Secy. Kailam Block
Pu Liankhohau, Secretary, KE Block.
Pu M. Saipu, Invitee
Pu Huatzalian, Auditor
Pu Theukham, Secretary U/Khuga Block
Pu Thangchinsuan, Finance Secy. UZO
Pu T. Henkhogin, Secy, W/Khuga Block
Pu Zamvum, President, W/Khuga Block
Pu P. Lunkap, Invitee
Pu Kaichinkham, Invitee
Pu Lamzadou, Secretary, Tuining Block
Pu Nengchinmang, Invitee
Pu Thangchinkhai, Invitee

Tam Executive in thungaituo poimaw a nei khenkhatte
A hing tung diing Manipur a MLA kiteelna ah UZO in South District sunbg a Constituency khat ah din lemna sa in, tuana Candidate diing pen mipi deina bang hi diing in na thukim uhi (Vide Reolution No. 3.).

Tam kiteelna a lawsapna ngen kituohtou zing ahiman in maban a kalsuon diing daan saitup diing leh thulai sui diing in tam anuoi a mite na guot uhi (Vide Resolution No. 4):

Pu T. Gouzadong
Pu T. Semkholun
Pu P. Lunkap
Pu Huotzakhai
Pu P. Lamzadou
Pu Sub. Ginkhojam
Pu M. Saipu
Pu N. Tungnung

Maipur Kumpi’n singtaanggam adieh in Haupi Area lah Forest Reserve hisah atup khu daal lem nasa uhi (Vide Resn. No. 6)

UZO Executive Emergency Committee
Date 22-1-1972 in UZO Head Office ah Executive Emergency Committee a um a, Upa Thongzakhup, UZO Adviser in thumna a neizou in hun pat ahitahi. Amasa pen in Chief Secretary in Special Assembly na kihaan khu Suon (Posponed) ahitah thu thupieh (Oder) simkhietna anei hi.

Tam Committee a pang memberte:

Pu Thangkhanlal, President
Pu T. Gougin, Adviser
Pu T. Semkholun, Chief Secretary
Pu Upa Thongzakhup, Adviser
Pu Huatzakhai, Auditor
Pu Tongzapau, President, Behing Block
Pu Ginsuanthang, President, G/Block
Pu Zamvum, Presidenyt, Khuga W/Block
Pu Zamkholun, President, Khuga E/Block
Pu Liankholam, Tuaitengphai
Pu Ginzatung, Invitee
Pu M. Saipu, Invitee
Pu Thangzalian, Invitee
Pu T. Kamzakhup, Invitee
Pu T. Gouzapau, Invitee
Pu Goukhanthang, Tanglian Unit President
Pu Thangkhochin, invitee
Pu T. Khupkhenpau, Secy. Singngat Block
Pu Nehzadong, Visitor
Pu Thangchinsuan, Finanace Secy. UZO
Pu Tongchinneng, Volunteer Commander.

Tam Executive Committee thutan poimaw diehte
Executive Committee in dated 8-1-1972 a Special Assembly hat diing a chi pen President in Constitution Dungzui a, Executive ngaituo dia a koi pen ngaituo in Special Assembly khu date 28-1-1972 ni chieng a Daijang khopi a nei diing in lem na sa hi(Vide Resolution No.1).

MLA Election toh kisai National Party lah ah Indian Nationa Congress zop hoisa in Candidate in Congress Ticket na la in Singngat Assembly Constituency ah din lem na sa uhi (Vide Resolution No.2)

MLA Election sai diing Election Committtee dinkhie in tam anuoi a mite guon ahi uhi (Vide Resolution No.3):

Pu Upa Thongzakhup
Pu T. Semkholun
Pu Upa Huatzakhai
Pu Tongzapau
Pu Suahdou
Pu Kamzadal
Pu Nengchinmang
Pu Ginsuanthang
Pu Pauchinkhup
Pu Kamzadou
Pu Zamkholam