Upa Tuolkhanpau leh A Laate

1. AW MANGPA NANG ITDAN

1.Aw Mangpa Nang itdan ka gel chieng in
Ka theina'n abanlou Na hing itna;
Van miten a hawmthaw Na von tawinou
Mikhiel keima tatna'n Na hing pie hi.

Ka khelna san au bang a asan lai in
Vua bang in Na vamsah a;
Ka khelna sandup bang a asan vang in
Belam mul Na bangsah hi.

2.Chilphit a vuoh leh sat Na thuoh lai in
Belam apu mai a asip bang in;
Kam zong kehlou in Na thuoh muolsuoh a
Singlam tung ah keidin Na hing shi hi.

3.Ka ta aw chia Nang hat aw ka jah in
Saguoh ka hi ka hing kithei khie a;
Ka kiselna pan Na hing han khie a
Na van Belamnou vun in Nang tuom hi.

4.Siemtanna ding neilou ka hi lai in
Na Tapa tangkhat in Na hing tan a;
Nang itna toh siem Na hing tangsah a
Na hing itna kei di'n damna ahi.
-----------------

2.VAN JERUSALEM THA NUOM AH

1.Van Jerusalem tha nuom ah
Van Mi siengthoute aleng uh;
Hundamte lenna khopi ah
Ni leh ha ahsi ngai nawnlou.

Ka Mangpa leh ka Hundam pa'n
Van khopi luo di'n kei hing han;
Khum khopi a ka tun chieng in
Gilkiel dangta'h um nawnlou ding.

2.Khovel ka khuol zinna gam ah
Dangka sum leh pai khol na'nleng;
Van khopi ah ken thei hilou
Sum leh pai a ngai nawnsih ding.

3.Khum khopi sieng luo dingte khu
Jesu sisan a sopsieng a;
Tahsa hagau a siengthouten
Khum khopi a luo ding uhi.

4.Van a pat ahing kumsuh chieng
Hundampa aw ka za ding a;
Vantham jawl ah hing puitou va'n
Sana khopi ka luo ding hi.
--------------

3.AW PASIAN NANG BITNA NA HI

1.Aw Pasian Nang bitna Na hi
Lung muonna hing pie in;
Nanglou bitna ding a umlou
Nangbou muonna Na hi.

Na deilam theisiem thei ding in
Mangpa pilna hing pien;
Na nna tamsem semkhe ding in
Mangpa sep ding hing pien.

2.Nangman Na mite Na thei a
A min un Na han leng;
Nangman ka hing lutna ding in
Van dawngkot Na hing hon.

3.Nangma deilam hing sui vang in
Itna hing neisah in;
Na dei bang a mite it di'n
Lungsim sieng hing guon in.

4.Damsung nite Na dei bang in
Mangpa hing zangsah in;
Na mite pui theina hing pien
Hagau in hing thuom in.
--------------

4.PASIAN IN AHING IT ZIEH IN

1.Pasian in ahing it zieh in
A Tapa itlou hilou in;
Eite'n hinna i neina di'n
Shi ding in ahing pekhie hi.

Linglukhu a khusah ua
A khut leh keng a kilpieh ua;
Anah tei in adawt pieh ua
Sisan leh tui ahing luong hi.

2.Lungngai tah a athum lai in
Chimaw beidong panpi bei in;
A ul sisan bang a tah khu
Eite zieh a hingtah ahi.

3.Lieng hina chie ka Hundampa
Panpi bel ding neilou bang in;
Melma simseng loute khut ah
Pieh leh thunei khum in Na um.

4.Singlam tung ah akhen beh ua
Ka dangtah chi'n a kikou a;
Zuthua pie in adawnsah ua
A hagau Pa a kemsah ta.
---------------

5. KHOVEL TUIPI KA PAL LAI IN

Doh is D

1.Khovel tuipi ka pal lai in
Kawng chieng dip chieng pal di'n hing han;
Meipi jing in tuipi'n hing tum
Palha nanleh ka pal jel hi.

Van khopi a ka tun chieng in
Van angelte ka bang ding a;
A liim ah ka tawldam ding a
Khovel ngaina a beita ding.

2.Khovel ka zinna gam dai ah
Ling leh khau nawng atam taluo;
Asat ha in hepkhiet aha
Abei theisih tam leitung ah.

3.Tam leitung gamdai gamgaw ah
Ka dang agaw anou theisih;
Van daitui in Nang tapnou a
Ka dang nou in ka tha tung jel.

4.Van Jerusalem khopi ah
Hing tanpa mel ka mu ding a;
Aman ahing Na pom ding a
A angsung nuom ah tawldam vang.
---------------

6. JESU KHRIST PASIAN HING TAPA

Doh is D

1.Jesu Khrist Pasian hing Tapa
Mihingte hundam ding in;
Ahing pieng bethehem ah
Belam puten abie uh.

David Tapa Hosana
Sabiltung nou tung ah tuong;
Naupangten tuumna tawi in
Hosana chi'n kikou uh.

2.Jerusalem khopi a thawn
Thuneiten sip di'n thu pie;
Naupangte sipna'n uleh
Suongtangte kikou ding chi.

3.Jerusalem khopi lut in
Summet bawlte delkhie in;
Ka Pa inn khu thumna inn
Ahi chi'n a siensuo hi.

4.Eite i hin theina ding in
Kalvari singlam tung ah;
Ahinna ahing pie a
Khovel ana zouta hi.
---------------

7. SETAN KULPI PALBANG SATCHIM DING IN

Doh is D
1.Setan kulpi palbang satchim ding in
Seinou guol zaitha patbang sai va ui;
Khantanhoi zanailou mite kung ah
Hundamna thu gen in puongjah va ui.

Pasian in khantanhoi gen a tangkou ding in
Teltuom mi a neisih khai e kipan va ui;
Mangpa ding a shitan a pangngam in
Setan gam Manggam suohsah va ui.

2.Nu leh pa te aw Manggam keh ding in
I goutan vontawite pholkhe va ui;
Jin henkol bute sutkhiet pieh vai in
Vangam lampi jui di'n lam hil va ui.

3.I Mangpa'n asep bante jun ding in
Nang leh kei mawpuohna a hing guon hi;
Nei leh lam sum leh pai thumnate toh
Akuon dingte sawl in na pang thei hi.

4.Leitung gam buppi kawlkil ningli ah
Khantanhoi zaloute kaa thawm kiza;
Koi e kuon ding a i ngansie ding uh
Kei kuon vang hing ngansie in chiva ui.
---------------

8. A SIENGTHOU LIE LEH TANG KINUNNA

Doh is G
1.A siengthou lie leh tang kinunna
Etlawm in mite'n pahtawi uhi;
Hattuom dan a kinung nupate
Pasian in umpi in guoljawl ta hen.

Hattuom dan a unaute kinunna
Thupi leh siengthou in a etlawm a;
Michin in nupate kipahpi a
Hing uop in Pasian phat uhi.

Kanaa khuo a guolvah kinunna
Mou pawi Nana guoljawl mabang in;
Tunia hing kitengte nupa zong
Mangpa aw umpi'n len vang buoh in aw.

3.Aki itna uh pungsah inlen
Ta leh nau sum leh pai guoljawl in;
Adam kumkhuo uh sawtsah inlen
Tusawn tanpha mu di'n damsah in aw.

4.Aw u leh nau nu leh pa te aw
I ta leh naute kem siengthou in;
Hattuom dan in kinungsah va ui
Pasian in tambangte kipahpi hi.
---------------

9. HUNDAM TATE TUOLLENNA MUN

Doh is D
1.Hundam tate tuollenna mun
Van khopi lung a ka gel chieng;
Tunkal ngahlang gal in don ing
Vanlam ngaina alien deudeu

Van khopi ngai in mau nanleng
Keima utthua tung thei hilou;
Tung ding bang a ka gel chieng in
Leilam ngaina a pung jel hi.

2.Leilam ngai in maunan leng zong
Ka kumtawn mun ahilou dan;
Laisiengthou in Nang theisah a
Imanuel Nang hing ngai ing.

3.Leitung lungkham lungjinnaten
Mei bang a ahing tuom chieng in;
Kumtawn gamnuom ngai deudeu ing
Mangpa na gam nuom hing tut in.

4.Na gam nuom tun kal ka ngahla
Van khopi a ka hing tun chieng;
Ni leh ha zong ngainawn sih va'n
Na lim ah muong in buol ta vang.
---------------

10. NOUTE DI'N KA HING KIPIE

Doh is EM
1.Noute di'n ka hing kipie
Maitam lang hing zuon unlen;
Ka tasa leh ka sisan
Ne unlen hing dawn chiet un.

Hundam na hing hina ding un
Singlam tung ah ka hing shi a;
Ka nah a Sisan luong khu
Noute damna ding ahi.

2.Noute di'n thu ka ngen a
Ka ul sisan a luong in;
Ka Pa'n ahing suhat a
Khovel zawna ka tangta.

3.Na hagau liem leh baina
Na hing damsieng kia ding a;
Na khelna zousiete khu
Ka hing na ngaidam ta hi.

4.Nou ding in mun ka bawl a
Ka Pa deilam bawlte khu;
Kipahman hing sa'ng ding in
Nikhat ka hing la ding hi

---------------

11. KA KHELNA NGAIDAM AHITA

Doh is E
1.Ka hin dan leh ka nun dante
Siengthou kaki sahnate zong;
Nangma ngai in hankuong abang
Mangpa ka khelna ngaidam in.

Ka khelna san in dup nanleh Na sisan in Nang silsieng a
Ka khelna ngaidam ahita Haleluiah ka Mangpa aw;
Haleluiah ka Hundampa hing pahtawi ing.

2.Khovel hinkhuo ka man dante
Lungkham mang batna ngen ahi;
Ka sep sun zong Nangma ngai in
Bel hawm gingbang giap mai ahi.

3.Leitung ka zinna gamdai ah
Musit leh pampaih hinanleng;
Ka khuol zinna hun ka zaw chieng
Na anglum ah tawldam ta vang.

4.Sep zieh a hundam ding hileng
Sepdoh bangma ka nei zousih;
Itna zieh in van khopi ah
Laituol ngabang ka leng ding hi.
---------------

12.EDEN TULSA PALLUNNA DI'N

Doj is G
1.Eden tulsa palluna di'n
Vanmang vontawi mimbang pieng;
Bethehem khopi bawng inn ah
Eden tailhuo hing vah ta.

Van angelten zaila lem in
Nausen Mang pahbang tawi uh;
Mipilten zong goubawm hong in
Mangpa chibaih abuh uh.

2.Belam puten belam nuasien
Nausen Mang ava bie uh;
Eiten zong i goubawm hong in
Mangpa chibai va buh vai.

3.Herod in tha atup lai in
Pasian in a pui doh a;
Bethehem khopi kimvel ah
Ka leh mau thawm a kiza.

4.Eden khomiel hingvah kia in
Hundam ngai mangbangte di'n;
Hundamna dawngkot a hong ta
Eidi'n khuo a hing vah ta.
---------------

13. ZOUGAM PALLUN A APAH PHAT LAI IN

Doh is EM
1.Zougam pallun a apah phat lai in
Holy Bible deina zieh in;
Jin vaihawm palbang nangla in
Zougam ah ka leh mauna atung ta.

Holy Bible leh Labu inei khawm ta uh
Aw u leh nau nu leh pate aw
Selung gel vai in sam gibang kikhensate
Tuibang in luongkhawm dildiel kia va ui.

2.Zougam ka leh mauna ka khuol lai un
Tuipi lien in hingnang nanleh;
Hagau pui in gallang khat ah
Na hung tut a maban ka sawn jel uh.

3.Zougam tuibang luongkhawm muman lou a
Khovel ka nuasie mai ding zaw;
Ngaingam sing e aw tung Pasian
Mangpa koute hing gawmkhawm kia in aw.

4.Na mite gamdai a Na pui lai a
Gosen gam a amau bang un;
Ka mauna uh hing ngai khienlen
Zougam pallun in hing pasah kia in.
---------------

14. SUN LEH JAN UMLOU KHOPI

1.Sun leh jan umlou khopi
A inn zong sana a em;
Hundam taten a luo ding
Jesu ni bang a tang ding

Ka lei hinkhuo abei chieng
Ana ka sep Hundampa'n;
Naubang in hing pom ding a
Kumtawn inn ka luo ding hi.

2..Van khuo a pei masaten
Thupina van gam nuom ah;
Kituoh a zaila lem in
Hundampa a pah tawi uh.

3.Tenna leitung lungkhamna
Tuong nuasie a van khopi;
Tangtawn gamnuom ka tun chieng
Kipahman ka sang ding hi.

4.Mangpa toh um nop ding dan
Ginna in ka tuot jel a;
Lungkham buoina bei ding a
Nopna tullou bukim ding.

------------------

15. TU'NNU ITNA THUH IN SANG E

1.Tu'nnu itna thuh in sang e
Naubu sung ah hakuoh hing pai;
Momnou mimbang i pien khiet in
Anglum ah naubang hing pom.

Vontawi a khuol pienna tu'nnu
Itna simthu sut ding hilei;
Vannei mi'n sutzou lou ding
Jesu itna ban ahi.

2.Guol toh tanbang i kimna di'n
Lai simlou nu'n hing simsah;
Nih hoih puon hoih batngam lou nu'n
Nih hoih puon hoih in hing jem.

3.Adu angaih nengam lou nu'n
Atui a al hing nesah;
I damlou chieng hing thum pieh a
Ihmu ding in hing awijel.

4.Ka gim ka tawl chilou tu'nnu
Itna lien lung ah tham zing;
Enzong tu'nnu lung hawl vai in
A kipahna ding sui vai.
--------------------

16. LEITUNG NOPNA DEL IN

1.Leitung nopna del in
Ka Pa inn ka taisan a;
Ka gou teng toh ka pawt a
Khopi lam ka zuonta hi.

Ningzu aisa toh lam a
Nunnuom a ka buol lai in;
Ka sum leh paiteng bei in
Hing lungsiet ding a um nawnlou.

2.Mihaupa voh ann kuong a
Voh annte ka dugaw a;
Dugaw a ka um lai in
Ka Pa lou bel ding umlou.

3.Ka Pa sieng kile in
Na suoh khat in hing siem in;
Va chileng hing lungsiet va'n
Neh muna hizaw va chi'ng.

4.Ka Pa sieng ka tun in
Khiel lamvai ka hi vang in;
Puontuol leh zungbu'n hing jem
Hing kawi in guolvah a siem.
---------------

17. I KHEL VANG IN I MANG JESU

1.I khel vang in i Mang Jesu
Vuoh sidup leh khaikang in um;
A khut leh keng a kil lai un
A tu'n leh zuon zong enngam lou.

Enghou a chil aphit lai un
Sip leh dai dide in a um;
Gaw ding belam bang in kai uh
Ngaingam sing e Mang Na thuohna.

2.Eite ahing lungsiet zieh in
Singlamte puon Kalvari zuon;
Anah tei in adawt pieh ua
Sisan leh tui ahing luong khie.

3.Mousi'n sumgul akhai lai in
A en pouman damna anga;
I Mang Jesu apham zieh in
Mikhielten damna i nga hi.

4.A miten simmaw in nuol uh
Aman i natnate puo in;
Kalvari ah kha ahing pham
Shina zou in athou kia ta.
---------------

18. BUOLNA VANGKHUO LAMTANG KAIHNA

1.Buolna vangkhuo lamtang kaihna
It leh ngaihte chibang kimna;
Lungdei tetoh tuollenna mun
Nun in nuom e i vang khuo uh.

Vangkhuo nunnuom ka buolna uh
It leh ngaih toh gibang khen ni;
Tuong hing tun chieng kap in mau ung
Mangpa aw ham bang hing huoi in.

2.Lunglen ni'n gal khuon don ung e
Khovui kai in lunglen a kuong;
Peimasate ka gel chieng un
Van hamuontu Nang hing ngai ung.

3.Lei gentheina ka tuoh chieng un
Lungzuong a naubang ngui lai ni;
Ngilni tuong hing tun theina di'n
Na gam nuom ah hing puilut in.

4.Tungleng vate Mangpa phat in
Leng dieldiel uh muol leh tang ah;
A siemsa lei mihing ten zong
Lung kituoh in Mangpa phat vai.
---------------

19. EDEN KHELNA SOPSIENG DING IN

1.Eden khelna sopsieng ding in
Khelna neilou i Mang vontawi;
Mikhiel eite tatna ding in
Kha ahing pham Kalvari ah.

Ngaingam sing e Mang Na thuohna
Nata luo e kha Na pham dan;
Lelngam lang e Na hing tatna
Na itna siel bang in lien e.

2.Van miten a pahtawi chimlou
Lei miten a muolphou chimlou;
Singlam puo in Kalvari zuon
Panpi neilou bang in a shi.

3.I khelna zieh un a thuoh a
Sialing lukhu a khusah ua;
Akhut leh a keng a kil uh
Ka dang atah chi'n a thum hi.

4.Muolphou tah a phum a hivang
Loipitah a kaihthaw in um;
Nuajuite hamuon malam in
Pa zietlam ah atouta hi.
---------------

20. MANG TOUPHA HANGSAN TAH A

1.Mang toupha hangsan tah a
Na naih thei chietna ding un;
Hing tanpa ka sienthou bang
Tahsa hagau siengthou un.

Mang toupha anai mite'n
Khelna a bawl zom sih ua;
Tahsa hagau kisusieng in
Keima bang in asieng thou uh.

2.Na lungsim siengsah lechin
Na hindan anuom ding a;
Mang toupha na naih chieng in
Na lungsim hang semse va.

3.Tatsa misieng na hileh
Bang ding a toumuong na lai;
Jan miel in ahing lap ma'n
Hagau mang ding suikhie in.

4.Nang itleh ka thupiehte
Zui leh zop di'n mi hil in;
Hagau liem leh bai zousie
Ka sieng ah hing pui khawm un.
---------------

21. NANG A PAT TAIMANG NANLENG

1.Nang a pat taimang nanleng
Tunna ding muzou lou in;
Ka khelna toh hing zuon ing
Na sieng lam hing belkia ing.

Damlai ni a beima in
Na sepban hing jun vang in;
Hagau mangthai man ding in
Nangman hatna hing pie in.

2.Lei ah nopna ka sui vang
Muzou sing e anopna;
Mangpa kang bellou chiengin
Ka lung khamna apung jel.

3.Hattah leh hangsan tah in
Na nna hingsem jel vang in;
Apuana pat hing thoute
Nuomtah in lam jawtsah in.

4.Nangma ahing bel mite
Lei ah liengvai nan uleng;
Van Jerusalem tha ah
Gilkiel dangtah umlou ding.
---------------

22. LENTANG DISTRICT I VANGPHA UH

1.Lentang District i vang pha uh
A kum sawmguh mel i muna;
I ngahla Diamond Jubilee
Tuong hing tung e Mangpa phat vai.

Ni hing suoh eh Jubilee ni
I suoh tatni ninou mel hoi;
Ami zata et in lawm e
Nui siusiau a i lenni uh.

2.Suohtatna Diamond Jubilee
Ami zata naubang nuina;
Na min ngaih e zata lai ah
Naubang hing pom chimla unge.

3.I Jubilee dah gin ngaih e
Ami zata nun i nop ni;
Bangchih a zong i ngil lou ding
Diamond Jubilee i man ni.

4.Diamond Jubilee tan hing pui
I Hundampa pahbang tawi vai;
Vannei mielna tanvah ding in
Seinou guolte hanchiem va ui.
---------------

23. LEITUNG GAMBUP MIN KHUM DING IN

1.Leitung gambup min khum ding in
Kumpi kaisar in thu apie;
Josep leh Marite lawmta'n
Bethehem khopi a zuon uh.

Puonnem a tuom i hilai un
I Mang Jesu gan ann kuong ah;
Atu'n leh a zuon asiel uh
Lieng hina e i Hundampa.

2.Milien leh sum haute zieh in
Zin tunna inn tangzou lou in;
Bawng inn sung ah a tungsah ua
Gankuong ah nausen asiel uh.

3.Zin tunna inn atanlou vang
Van miten zaila hing lem uh;
Mipilten zong goubawm hong in
Mang vontawi sumbang a bie uh.

4.Ka Mang pienna bethehem khuo
Na min ngaih e vangkhuo lai ah;
Na sung a nausen hing pieng khu
Kumpite kumpipa ahi.
.---------------

24. KA TA AW NA PUANA PAT

1.Ka ta aw na puana pat
Apuate athaw bang in;
Lumden lou in thou inlen
Na khelna toh hing zuon in.

Pa aw ka puana pat in
Hingthou in hing zuon ing e;
Mikhiel mangthai hinanleng
Na anglum hing zuon ing e.

2.Akhelna toh hing belte
Siemtang in a um ding a;
Ka ta neisun a pomte
Tahsa hagau a dam ding.

3.Noute ka hing it zieh in
Ka ta neisun itlou in;
Shi ding in kang pekhie a
Ama pomte a dam ding.

4.Nang it leh ka thupiehte
Zui leh zop ding in mi hil in;
Hagau liem leh baite khu
Ka sieng ah hing pui khawm in.
--------------

25. JESU HING PEI BAI DING HI

1.Jesu hing pei bai ding hi,
Shi hamuon i nei angai;
Jesu hing pei hitaleh
Mansan ahing muna diei.

Kiging vai mansan um vai
Mang Jesu hing pei chieng;
Ama tuoh di'n i man na diei.
Kiging chiet in mansan um vai.

2.Pa lim leh mel puo i hi
Ama huha khum i hi;
I hinna Ama ahi
I manthai ding a phal sih.

3.Khovel leh loupinate
I ngainat lou ding ahi;
Leitung i ngainat seng leh
I ha a liengvai ding hi.

4.Leitung leh a thupina
Khatvei chieng a mang ding a;
Jesu itna i pom leh
Kumtawn hinna i tang ding.
---------------

26. SIETLEI I TENNA GAMNUOM

1.Sietlei i tenna gamnuom
I luoden lou ding gamnuom;
I zinna gam nuom nanleh
Zin leh leng i hi giap hi.

Sietlei i nuasie hun khu
Shi leh hing kikhenna hun;
I tunna ding van khopi nuom
I kumtawn mun ding ahi.

2.Leitung i zinna gamnuom
Nuomsa in khela nanlei;
I luoden thei ding hilou
I nuasie ngei ding ahi.

3.Leitung nuom i sah vang in
I lung ngaihna gam ahi;
Van khopi i tun chieng un
Lung ngaihna abei ta ding.

4.I vah vaihna hun sung khu
Dei telna hun sung ahi
I zot gam i tun hun khu
Kipah man san hun ahi.
----------

27. HUNDAM NGAI EITE DING IN

1.Hundam ngai eite ding in
Pasian hoina hing kilang;
I khelna sopsieng ding in
Atapa neisun hing pie.

Zu leh vate mabang in
Neh leh tah ding zong hing pie;
Lungkham ni'n hing hamuon a
A hoina hing kilang jel.

2.Mihing gam tam leitung ah
Pasian silpieh hamuonna;
Aneilou mite kung ah
Hamuonna a pejel hi.

3.Eden khelna a kipat
Saguoh i hilai un zong;
Sil leh ten ding hing pie a
Pasian hoina kilang jel.

4.Van zotna lamhai eite
Ama sienglam zuon ding in;
Damlai ni siemhoi vai in
Hundampa jemhoi va ui.
----------

28. MANG NASEP DING NGAISAH LOU A

1.Mang nasep ding ngaisah lou a
Ka deilamte ka bawl chieng in;
Lung ngaihnaten ahing bawm jel
Mangpa aw hing ngaidam in aw.

Ka mang bat leh ka lung ngaih ni'n
Aw vanhui Nang hing ngai ing e;
Na delam ka thei thei na di'n
Ka hagau mit hing suvah in.

2.Ka lung gel leh ngaituonate
Na dei loulam ana hijel;
Ka sep leh ka bawl zousiete
Hing ngaidam in aw Mang Jesu.

3.Na deilam ka hing sui chieng in
Setan in a hing dal jel a
Na deilam bawl zom thei ding in
Na gal va in hing thuom in aw.

4.Khovel ka ngai natnate zong
Miel thu neina ana hijel;
Setan mun awn nawnlou ding in
Dingdet tavang aw Mang Jesu.
----------

29. PIENNA KA ZUO KHA NA PHAM VANG

1.Pienna ka zuo kha na
pham vang
Zuo simthu lel lung ah tham zing;
Na kawi lie

Cindy AirTel, [21.06.18 20:25]
leh na von tawiten
Na kap zatam lelchim la ung.

I bieh i tung Pasian jal in
Kha na pham ni'n i sau lim ah;
Ami zatam tutvum khawl in
Zuopa simthu ma lel ung e.

2.Zuo in loubang na hing khuolna
Na kawi lie in tuni tan in;
Na aw la in siensung ah jeh
Zuopa ngaina pung deudeu e.

3.Khovel pallun na zou nua a
I tung Pasian na bel jal a;
Ningzu aisa leh na dawi um
Na taisan ni milthei sih ung.

4.Zuo aw thangvan sang a pat in
Na suon siensung hing vel lechin;
Nautum in zong akawi Nieng toh
Zuo min lawna'n Ginkhankhuol chi.

5.Khovel genthei nate zou a
Van khopi a ngabang buol a;
Na tawl dam mai ka gel chieng un
Tun kinem in hing gal don ung.
----------

30. ZUO AW KHOVEL NA NUASIE A

1.Zuo aw khovel na nuasie a
Thangvan sanglam nang zot san ni'n;
Na kawi lie leh na vontawite
Zuo in lung in gelva teh maw.

Lungzuong lou aw pienna ka zuo
Na kawi lie leh senmom nouten;
Phamsa zuopa velchim lou in
Saulim ah lambang hing pah ung.

2.Zuopa natna zumman lou a
Thangvan sanglam nang zot san mai;
Lunglai ah vaibang tham den in
Zuopa natna zunman leng chi'ng.

3.Zuo in zaitha na ziet lai in
Siensung ah ningzu kai den e;
Ami zata it leh ngaihte
Siensung ah ngabang hing buol uh.

4.Zuo aw na min manmawna di'n
Pienna zuo leh sen a pusei;
Zuo hantung ah
lumsuong chieng ung
Zuo aw na lung awinava maw.
----------

31. AW MANGPA SINGTANG MITE KANA AW

1.Aw Mangpa Singtang mite kana aw
Ngaikhie in na bil hing daw in;
Lamhai liengvai sieng hita ung
Lung muonna hing pekia in.

Gam leh nam humbitna ding a
Salpha mi hangsan muolliemte;
Suun leh kap in mangbang ta ung
Mangpa ka gam uh tung ding kia in.

2.Milim beten engbawl leh simmaw in
Pupa satsa gam leitangte;
Thunei khum in ka umta uh
Mangpa ka mauna uh ngai in.

3.Pi leh pu it leh ngaih tampitahte
Gu leh tang luong leh ban jalna;
Pupa gamlei hing pekia in
Kumpi David na pieh bang in.

4.Solomon pilna nana pieh bang in
Chief Ministerte thuzaw theina;
J.A.C. te pilna pie in
Ka gam uh hing tung ding kia in.

5.Manipur Assembly bill thumte khu
Egypt mite tuipisan in;
Atai bang in taimang sah in
Na lim ah koute hing sel in.

6.Thutan bawlkhum M.L.A. zousiete
Vabang pil in sul hing hei un;
Nehemia bang in i gam uh
Palbang a pua hing tung ding un.
----------

32. DIAMOND JUBILEE AHING TUNGTA

1.Diamond Jubilee ahing tungta
Suoh leh sal zalenna dah hing ging;
Jin henkol bute kiham ta
Pahtawi vai i tung Pasian.

Nu leh pa lawm leh guol
Lam va ui lawm va ui i Jubilee
Phat va ui i Hundampa
Halelui Haleluiah Amen.

2.Phamsa lamkaite aw hing thou un
M.G.P. kum sawmguh i chinna;
Haibang i ngah ahing tung ta
Hingpei un zaila lem vai.

3.Kalvari zawna diellap tawi in
Tumging semguo leh phaiphu leng toh;
Zawna tumna khaisang va in
Hosana chi'n kikou vai.

4.Diamond Jubilee mu i hileh
Meipi jing in van kithing nanleh;
Tuipi lien taam in leng nanleh
Pheiphung suon Manggam jun vai.
----------

33. MANGTHAI SUI D'N MANG JESU

1.Mangthai sui di'n Mang Jesu
Van a pat in hing kum suh;
Mihing tahsa'n hing pieng a
Gim leh genthei ahing thuoh.

Singlam tung ah ashi a
Han ah phum uh i Mangpa;
Ni thum ni'n athou kia a
Van ah ka tou i Hundampa.

2.Mite chilphit Mang Jesu'n
Mangbang in thu angen a;
A ul sisan a tah in
Singlam puon Kalvari zuon.

3.Gim genthei thuoh Mang Jesu
Khut leh keng a kilpieh ua;
Anah a sisan luong khu
Eite i damna ahi.

4.It a hing tan Mang Jesu'n
I khelnate hing sopsieng;
Van khopi i tunna di'n
A sisan in ahing lei.
----------

34. GOLDEN JUBILEE AHING TUNGTA

1.Golden Jubilee ahing tungta
Saltangte suohtatna dah hing ging;
Jin henkol bute kihamta.
Seinou guol kipah in lam va ui

Lawm va ui i Jubilee;
Pahtawi vai i tung Pasian
Halelui Halelui ah Amen

2.Phamsa it leh ngaihte hing thou un
L.P.Y.F. Golden Jubilee;
Haibang i ngah ahing tungta
Hingpei un pahbang tawi vai.

3.Van miten zong Jubilee hing siim
Tumging semguo leh phaiphuleng toh;
Van miten zailan hing awi uh
Pahtawi uh i Hundampa.

4.Golden Jubilee mu i hileh
Meipi jing in vanpi nim nanleh;
Muol leh tangte sangma lezong
Seinou guol Manggam jun vai
----

35. MANGPA NGEI KHU KIKOU AW TOH

1.Mangpa ngei khu kikou aw toh
Vansawltah tungnung pen aw toh;
Pengkul gin toh ahing kum chieng
Amiten a aw i thei ding.

Lahtou ni ahing tun chieng leh
Han a lumte thou masa va'n
Hing leh damte mel kikhel in
Vantham jawl ah kilam tuona a um ding hi.

2.Van a pengkul agin vang in
Hundam louten zanan uleh;
Bang kigen e achi ding ua
Nuasie in a um ding uhi.

3.Lahtou ni a hingtun chieng leh
Nuasie a um mite lah ah;
Kihawl tuona a um ding a
Ka leh mauna a dim ding hi.

4.Guta bang in hingpei nanleh
Suun tate leh vah tate;
Midang bang a imu lou in
I Mangpa aw i za ding uh.

5.Lahtou ni maituo ngam ding in
Mangpa a di'n kisusieng in;
Khovel leh a thupinate
Nuasie in hundampa bel vai.
----------

36. MANGPA NA SIEMSA GAMLEI AH

1.Mangpa Na siemsa gamlei ah
Neh suina'n haichi hing vaw ung;
Haichite a hoina ding in
Leithau hoitah Na buoh khum hi.

Mangpa Na maitam kivel ah
Kouma leh ka haithate uh;
Hing kilan ung Na angsung ah
Gimnamtui in hing Na sang in.

2.Lou ah haichi ka hing vaw ua
Van daitui in Na tap nou a
Aga sawmthum aga sawmguh
Leh za bang in ahing ga uh.

3.Haichite hing pichinna di'n
Van guotui in Na buoh khum a;
Koute ka pichinna ding un
Hagau daitui in Nang tap hi.

4.Mangpa aw Na hing guoljawlna
Amal mal in sutseng sih ung;
Simseng sih ung Na guol jawlna
Thupina Nangma hing pie ung.

37. PIENNA PUSEI LEH ZUOPA TEN

1.Pienna pusei leh zuopa ten
Singzung suongzung ana bie ua;
Hagau hinkhuo ding theilou in
zu leh sa toh na lung kim uh.

Lei ah Pasian tamma nanleh
Ahawm pasien ngen ahi uh;
Ei Pasian pen hing leh siengthou
Kumtawn Pasian hagau hundam Pasian ahi.

2.Pi leh pute bieh pasien in
Huongvul ganta anei sun uh;
Nehmang pieh in ataisan ua
Hagau hinna zong neilou uh.

3.Eite Pasian hing leh siengthou
Lungsietna leh khotuona dim;
Huongvul ganta sum leh pai toh
Hing guol jawlpa Pasian ahi.

4.Pasian siengthou abie eite
I vangpha uh ata i hi;
Tahsa hagau hing hamuon a
Van gou luodi'n eite hingtel.
----------

38. MIHINGTE HUNDAM DING IN

1. Mihingte hundam ding in
Mang Jesu Na hing shi maw;
Ka hing lam etna vang un
Tha leh zung Nang hing pie ung.

Nang hatna awnem za in
Puohgih teng toh hing zuon ung;
Hagau tawldamna ngai ung
Hing nuollou in hing pom in.

2. Hundampa hing shina khu
Hagau hing hatna ahi;
Nisim in ahing chiel hi
Zui vai Aman hing pui ding.

3. Koute hing lutna ding in
Kot lienpi Nang honpieh a;
Hinglut un chia Nang hatna
Pa aw Na awnem za ung.

4. Leitung a genthei pen zong
Hundampa khelkhie umlou;
Eite ahing it zieh in
En zong Mangpa it va ui.

5. Aw Jesu Hundampa aw
Na min hing tawisang va ung;
Lungsim pilna zousie toh
Na itna tangkou va ung.

.............