Zou Script Devolopment Society

Ipu-ipate hun lai apatin “Zou Laiteng” ana umsa ahi tabou a, tulai bang a laisiem ana um nailou zieh un zuunlo-keplou a ana um nua date 7/01/1952 in Pu M. Sianzathang in ana phongkhie kia a, lawm-le-guol khenkhatte toh kikum zel in “Zolai” sim ding dan ngaituo in ana um a, a sim thei leh a giel thei zong tampi a umta hi.

June 4, 1976 in Tuaitengphai khuo ah United Zomi Organisation General Assembly Resolution No. 6na in a phasahna bang in Zou Minampi lai a zah ding a pomdet ana hita hi. Pu M. Siahzathang zong United Zomi Organisation in kipahman in Rs. 500 ana pie a, Manipur Kumpi apat in zong Award tuomtuomte zong ana mu hi.

1960 kum in Zomi Sangnaupang Pawlpi (ZSP) in Sang (School) subject khat a tawi ding in pulahna ana neita uhi. Ipu-ipate hun lai in laipuon ana um seng nailou ziehun SAVUN tungah “Zou Laiteng” ana giel ua, a savun pen tui a kawt chiengin ui (dog) in neh dingin a dugaw a, ataimangpi a, mun khat ah a kesah a, kimu kia ahi thu ipu-ipa damsawt deuten ana gen uhi.

Zou minam Lai dinga Pasian in pilna lungtang ana pieh ipu uh M. Sianzathang in theitawp ana suona ziehin tu in i Zogam ah a kizang panta a, Simpat bu, bu thumna tan zong ana kineita a, October 10. 2009 in Pu L. Jayanta Kimar Singh, Education & Transport Minister, Government of Manipur in honna anei a, Rt. Rev. Dr. Ginkhanmung, Biship in latna a nei hi. Zolai sinna (coaching) zong tamveipi ana kineita hi. Tualeh Board of Secretary Education, Manipur in zong Pawl sawm (Class-X) Examination Question ah “Zolai” zong ana pangsah zel uhi.

Zou Laiteng a lunglut a pan na la i misiem neite uh phattuom ngaina in January 17, 1999 apat in tu tan chieng a Board (Committee) na ding thei in kipuohna hoizaw chi in “Zou Script Development Society (ZSDS)” chi in ana kiphuon a, Government ah zong registered bawl ahi (Regd. No. 316/2007 dated 16/06/2007). Tualeh Central Institute of Indian Language (CIIL), Mysore in zong ang theipi a, ang deisah hi.

Tu-le-tu a Committee Meber tam anuoi ate ahi uhi:

Chairman : Mr. T. Thongpau
Secretary : Elder Khupsuankham
Finance Secretary : Mr. Paul Zamkholun
Treasurer : Mr. Stephen T. Semkholun
Information Secretary : Mr. T. Khamzakap
Executive Committee Members: 1 Mr. Thangchinsuan
2 Mr. James K. Zou
3 Mr. Dominic K. Munluo
4 Mr. T. C. Tungnung
5 Mr. P. Pumkhojam
6 Elder T. Khamchinlam
7 Mr. S. Lianzakap
8 Mr. Nengchinlam
9 Mr. Chinlunthang
10 Mr. Selchinlang
11 Elder Enkhothang
12 Mr. Ginsuanhau, MLA
13 Miss Cicilia Mama
14 Mr. P Tongthang
15 (L) Mr. Aloysis T. Nehkhojang
Adviser : Mr. T. Gouzadou, Ex-Minister